ആൺകുട്ടി: ആ പെൻസിൽ തരാമോ.
പെൺകുട്ടി: ടീച്ചറെ ഈ കുട്ടി വഴക്കാ.
8 വയസ്സിൽ
ആൺകുട്ടി: ആൺകുട്ടികളാണ് ഏറ്റവും ബെസ്റ്റ്.
പെൺകുട്ടി: അത് നിങ്ങൾ മാത്രം തീരുമാനിച്ചാൽ മതിയോ.
14 വയസ്സിൽ
ആൺകുട്ടി: ഈ മുടി ഇങ്ങനെ പിന്നിയിട്ടേക്കുന്നത് കാണാൻ നല്ല രസമുണ്ട്.
പെൺകുട്ടി : ( നാണത്തോടെ പുഞ്ചിരിക്കുന്നു)
24 വയസ്സിൽ
ആൺ: നമുക്ക് കല്യാണം കഴിച്ചാലോ.
പെൺ: മ്മ്, ഇനി നീ കുറച്ചുകൂടെയൊക്കെ റെസ്പോൺസിബിൾ ആവണം.
32 വയസ്സിൽ
ആൺ: കുഞ്ഞിനെ നമ്മൾ ഏതു സ്കൂളിൽ വിടും.
പെൺ: അപ്പുറത്തെ അവരുടെ കുഞ്ഞു പോയ സ്കൂളിൽ തന്നെ വിടാം. നല്ല ഇംഗ്ലീഷ് ആ അവിടുത്തെ കുട്ടി.
43 വയസ്സിൽ
അയാൾ: ആ മരുന്നിങ്ങെടുത്തേ.
അവൾ: നിങ്ങളെന്റെ കണ്ണാടി കണ്ടോ.
52 വയസ്സിൽ
അയാൾ: നാളെ നമ്മുടെ മോൾ അങ്ങ് പോകും അല്ലേ.
അവൾ: മ്മ്, ഇനി വേറൊരു വീട്ടിൽ അല്ലേ അവൾ, എന്നെപ്പോലെ.
65 വയസ്സിൽ
അയാൾ: ഇന്ന്‌ മോഷൻ ഒക്കെ ഓക്കെ ആണോ .
അവൾ: വലിയ പാടാ. മതിയായി.
72 വയസ്സിൽ
അയാൾ: ഇന്നും അവര് വരുമെന്ന് തോന്നുന്നില്ല(മക്കളെപ്പറ്റി).
അവൾ : (മൗനം). വെളുത്ത തുണി പൊതിഞ്ഞ് കണ്ണടച്ച് കിടക്കുന്നു.
അയാൾ: (മൗനം). ഇനി ഞാനും മിണ്ടില്ല
No comments:
Post a Comment